Eden Flavours Co., Ltd.
Our Recipes

Seafood Spaghetti (စပါဂတ်တီ)
Aung Si နဲ့ဆို မြန်မာစာတင်မကပဲ အီတလီစာလည်း အရသာရှိရှိ ချက်စားလို့ရတယ်နော်? ဒီအပတ်ပိတ်ရက်မှာ မြန်မာဟင်းအနှစ် Aung Si နဲ့ Sea Food Spaghetti (စပါဂတ်တီ) ချက်ကြည့်ရအောင်။
ပထမဆုံး စပါဂတ်တီ ခေါက်ဆွဲဖတ်လေးတွေကို အိနေအောင် ပြုတ်ထားပါ။ မီးနည်းနည်းနဲ့ တည်ထားတဲ့ ဒယ်အိုးထဲကို Aung Si ဟင်းအနှစ်ကို ထည့်ပါ။ အရောင်နဲ့ အရသာ ပိုကြွယ်ဝသွားအောင် ခရမ်းချဉ်သီးအနှစ် (Tomato Puree / Ketchup) နည်းနည်းလေး ထပ်ပေါင်းထည့်လိုက်ပါ။ ကိုယ်နှစ်သက်ရာ ပင်လယ်စာတွေ ထည့်ပြီး အနှစ်နဲ့ သမသွားအောင် မွှေပေးပါ။ အနံ့မွှေးမွှေးလေးဖြစ်အောင် နံနံပင်အခြောက်မှုန့်နည်းနည်းထည့်ပါ။ အားလုံးကျက်ပြီဆိုရင်တော့ ပြုတ်ထားတဲ့ ခေါက်ဆွဲပေါ် ဆမ်းစားလိုက်ရုံပါပဲ။ ဒါဆိုရင် မြန်မာ့ပါးစပ်မှာ အကြိုက်တွေ့စေမယ့် Sea Food Spaghetti (စပါဂတ်တီ) လေးကို သုံးဆောင်နိုင်ပါပြီ။ကြာဆံချက် ပူပူလေး
မိသားစုတွေ၊ သူငယ်ချင်းတွေနဲ့ အိမ်မှာပဲ ကြာဆံချက် ပူပူလေး ဝိုင်းဖွဲ့ချက်စားကြမလား? 🥰 ကြာဆံချက်ကို တကယ်တမ်း ကိုယ်တိုင်ချက်မယ်ဆိုရင်... ဟင်းရည်အနှစ် အရသာပေါ်ဖို့ ကြက်သွန်၊ ဂျင်းတွေကို အချိန်ပေးပြီး ဆီသတ်ရတဲ့အလုပ်က တော်တော်လေး လက်ဝင်တယ်နော်။ ဒါပေမဲ့ Aung Si နဲ့ဆိုရင်တော့ အချိန်ခဏအတွင်း လွယ်လွယ်လေး ဖန်တီးလို့ရပါတယ်။ 👩🍳 ဘယ်လိုချက်ရမလဲဆိုတော့ ♨️အရင်ဆုံး ကြာဆံ၊ မှိုခြောက်၊ ပန်းခြောက်၊ ပဲလိပ်တို့ကို ရေကြိုစိမ်ထားပါ။ ငုံးဥ ပြုတ်ထားပါ။ ♨️ပြီးရင်တော့ အိုးထဲကို ရေ (သို့) ကြက်ပြုတ်ရည်ထည့်ပါ။ ရေဆူလာရင် Aung Si ဟင်းအနှစ်ထုပ် ကို ဖောက်ထည့်ပြီး ကြက်သားထည့်ပြုတ်ပါ။�(Aung Si မှာ ကြက်သွန်၊ ဂျင်း၊ ခရမ်းချဉ်သီးတွေကို သေချာနှပ်ချက်ထားပြီးသားမို့ ဟင်းရည်က အလိုလို ဆိမ့်ပြီး မွှေးလာပါလိမ့်မယ်) ♨️ဟင်းရည်နံလေး သင်းလာပြီး အသားနူးရင် ရေစိမ်ထားတဲ့ မှို၊ ပန်းခြောက်၊ ပဲလိပ်နဲ့ ငုံးဥတွေ ထည့်ပါ။ ♨️အားလုံးကျက်ပြီဆိုရင် နောက်ဆုံးမှ ကြာဆံထည့်၊ ငံပြာရည်လေးနဲ့ အရသာ အပေါ့အငံမြည်းလိုက်ရင် အနံ့ရော အရသာပါ ပြည့်စုံတဲ့ ကြာဆံချက်ပူပူလေး ရပါပြီ။ 🍲အပေါ်ကနေ နံနံပင်၊ ကြက်သွန်ဖြူကြော်၊ ငရုတ်ကောင်းနဲ့ သံပရာရည်လေး ညှစ်ပြီး စားလိုက်ရင် ထိမိနေရောပေါ့။ 😋 အိမ်မှာပဲ သန့်သန့်ရှင်းရှင်းနဲ့ လူအများကြီး အဝ ချက်စားလို့ရအောင် မီးဖိုချောင်ထဲမှာ Aung Si ကို အခုပဲ ဝယ်ထားလိုက်ပါ။


ပုဇွန်ဟင်း
⏰ ၃ မိနစ်အတွင်း အသင့်ဖြစ်မယ့် အနှစ်များများနဲ့ပုဇွန်ဟင်း 🦐
မနက်စောစော ရုံးသွားဖို့ ရေချိုးပြင်ဆင်ရဦးမယ်။ အလုပ်အတွက် လိုအပ်တာတွေလည်း ပြင်ရဦးမယ်။
ထမင်းချိုင့်ထည့်ဖို့ကလည်း အချိန်က ၃ မိနစ်လောက်ပဲ ပေးနိုင်တော့တယ်... ဟင်းတစ်ခွက်ဖြစ်အောင် ဘယ်လိုအမြန်ချက်မလဲ? ⏰🏃♀️
Aung Si (အောင်စည်) ရှိရင် ဘာမှပူစရာမလိုပါဘူး! ၃ မိနစ်နဲ့ အမြန်ဆုံးပြီးစေရမယ်နော် 👇
၁။ ရေဆေးသန့်စင်ထားတဲ့ 🦐ပုဇွန် (၂၀ ကျပ်သား) ကို အိုးထဲထည့်ပါ။
၂။ Aung Si ဟင်းအနှစ် တစ်ထုပ်ကို ✂️ဖောက်ထည့်ပြီး သမအောင်မွှေပါ။
၃။ ရေအနည်းငယ်ထည့်ပြီး 💧အဖုံးအုပ် တည်ထားလိုက်ပါ။
၄။ ရေခမ်းပြီး 🥘အနှစ်တွေပဲကျန်ပြီဆိုရင်တော့ အသင့်ပါပဲ။
ဒါဆိုရင်တော့ ကြက်သွန်လှီးစရာ၊ ဆီသတ်စရာမလိုဘဲ အနှစ်များများ၊ အနံ့လေးမွှေးမွှေးနဲ့ စားချင်စရာကောင်းတဲ့ 🍛✨အနှစ်အပြည့်ပုဇွန်ဟင်းလေးတစ်ခွက်ကို ၃ မိနစ်အတွင်း အလွယ်တကူ ရသွားပါပြီ!
